अस्ट्रेलियाको पर्थमा रहेको चर्चित फुटबल क्लब नेप्लिज युनाइटेड फुटबल क्लबले गत शनिवार पर्थमा गाला डिनर आयोजना गरेको थियो । नेप्लिज युनाइटेड फुटबल क्लबले प्रत्येक बर्ष फण्ड राइजिङ्ग डिनर कार्यक्रम गर्दै आइरहेको छ ।खेल र खेलाडीको स्तरोउन्नति साथै संस्थाको दिगोपनको लागि हरेक बर्ष जस्तै यस बर्ष पनि शनिवार अर्थात् मे २७, २०१७ को दिन साँझ ६ बजेबाट स्थानीय क्यानिङ्गटन लिजर प्लेक्स क्यानिङ्गटनमा कार्यक्रम सम्पन्न भएको छ ।
कार्यक्रमकै दौरानमा स्पोन्सरहरुले नेप्लिज युनाइटेड फुटबल क्लबलाइ चेक हस्तान्तरण गरेका थिए। चेक हस्तान्तरण गर्नुहुनेमा ठमेल बजारको तर्फ़बाट ५००० डलर,भिभिड ट्याक्सको तर्फ़बाट १५०० डलर, रेड अरथ माइग्रेशनबाट १००० डलर, ओरिओन ल बाट, १००० डलर के बि ए ग्लोबल पर्थको तर्फ़बाट ५०० डलर र अबुरी हाउसको तर्फ़बाट ५०० डलरको चेक प्रदान गर्नु भएको थियो ।
त्यसै गरि मिडिया पार्टनर नमस्ते नेपाल अस्ट्रेलियालाई क्लबक म्यानेजर भुवन खड्काले मायाको चिनो प्रदान गर्नु भएको थियो कार्यक्रममा नावा का उपाध्यक्ष डा. मणि पनेरुले मन्तव्यको क्रममा भन्नु भयो नेप्लिज युनाइटेड फुटबल क्लबले पर्थमा सराहनीय काम गरेको र आगामी दिनमा नावाले पनि नेप्लिज युनाइटेड फुटबल क्लबसंग मिलेर काम गर्ने इच्छा व्यक्त गर्नु भयो।
कार्यक्रमलाइ थप मनोरन्जनात्मक बनाउन भिबिन्न कलाकारहरुको बेजोड प्रस्तुति समेत रहेको थियो । कार्यक्रममा पर्थको स्थानीय ब्याण्ड सेंसिमिलिया, जंगी निशान, उज्जल के सी, डिल्ली पराजुली लगाएतको प्रस्तुति थियो भने सुरक्षा लामिछाने, सकिना इतानी, सुनी योञ्जन तमाङ्ग, करिश्मा चिडी लगाएतका कलाकारले आफ्नो बेजोड नृत्य पर्स्तुत गरेका थिए ।
कार्यक्रमलाइ बिट मार्दै क्लब का अध्यक्ष श्री मणि राइले सम्पुर्ण स्पोन्सर, खेलाडी,सहयोगी हातहरु अनि उपस्थित महानुभावलाइ धन्यवाद दिदै भन्नु भयो तपाईहरुको सधै यस्तै साथ् रही रहोस र आगामी दिनमा अझ उत्क्रिस्ट पस्कने बाचा समेत गर्नु भयो । उक्त कार्यक्रम संचालन दिपक शाक्य र संगीता बिष्टले गर्नु भयको थियो ।
