पुस २४, २०७२- गेबोनका पियरे इम्रिक औवामेयाङ आइभरीकोस्टका याया टुरेलाई झिनो मतले हराउँदै अफ्रिकन वर्ष फुटबल खेलाडी चुनिएका छन् ।
कन्फेडेरेसन अफ अफ्रिकन फुटबलले सदस्य राष्ट्रको प्रशिक्षक र प्राविधिक निर्देशकले हालेको भोटको आधारमा पियरेलाई वर्ष खेलाडी छानेको हो ।
पियरेले १४३ मत पाएका थिए भने म्यान्चेष्टर सिटीका ३२ वर्षीय स्ट्राइकर टुरेले १३६ मत पाए । २६ वर्षका पियरे गेबोनबाट यो अवार्ड जित्ने पहिलो खेलाडी हुन् ।
घानाका मिडफिल्डर आन्द्रेय आयव ११२ मतसहित तेस्रो भए ।
१७ खेलमा १८ गोल गरेका पियरे बुन्डेसलिगामा यो वर्षका सर्वाधिक गोलकर्ता हुन् ।
