नमस्ते नेपाल- पर्थ, २२ नोभेम्बर २०१७
यहि नोभेम्वर २५ तारिख शनिवारको दिन International On Water Hotel in Ascott पर्थमा हुने उक्त कार्यक्रमको मुख्य उद्देश्य भनेको नेपाली फुटबल र खेलाडीहरुको स्तर उन्नति गर्दै आगामी बर्ष हुने फुटबल वेस्ट लिगमा नेप्लिज युनाइटेड फुटबल क्लब नेपालको प्रतिनिधित्य गर्दै सहभागी भएर उत्कृस्ट खेल प्रदर्शन गर्नु हो।
पछिल्लो समय पचिम अस्ट्रेलियाको नेप्लिज युनाइटेड फुटबल क्लबका खेलाडीहरुले विभिन्न प्रतियोगितामा भाग लिंदै पर्थमा नेपाली फुटबलको साख जोगाएका छन्। अस्ट्रेलियाका विभिन्न राज्य तथा क्लबहरुसंग खेलेका खेलहरुमा नेप्लिज युनाइटेड फुटबल क्लबले उत्कृस्ट प्रदर्शन गर्दै आइरहेको छ।
नेपाली फुटबललाई अझ माथि लानाको निमित्त गत बर्षबाट हरेको बर्ष एनुअल बलको आयोजना गर्दै आइरहेको छ। खेलाडीहरुको मेहनतको कदर गर्दै गत बर्षदेखि खेलाडीहरुलाई ट्रफी प्रदान समेत गर्दै आएको छ। जसमा मोस्ट कमिटेड प्लेयर, कोच फेवरेट प्लेयर, मोस्ट भ्यालुयबल प्लेयर र बर्षको सर्वाधिक गोल गर्ने खेलाडी हुनेछन साथै सम्पुर्ण स्पोंसोर, भोलेन्टियर, डान्सर लगायत सहयोगीहरुलाई मायाको चिनोले सम्मान समेत गर्ने कार्यक्रम रहेको नेप्लिज युनाइटेड फुटबल क्लबका अध्यक्ष मणि राईले नमस्ते नेपाललाइ जानकारी दिनु भयो।
साथै पर्थमा बस्नुहुने र खेललाई माया गर्नुहुने सम्पुर्ण नेपाली दाजु भाइ तथा दिदि बहिनीहरु उक्त नेप्लिज युनाइटेड फुटबल क्लब डब्लु ए एनुअल बल २०१७ मा उपस्थित भएर थप उर्जा प्रदान गर्न समेत नेप्लिज युनाइटेड फुटबल क्लब डब्लु ए अनुरोध गरेको छ।
थप जानकारीको लागि यहाँ क्लिक गर्नुहोला
: https://www.facebook.com/NepaleseUnitedFootballClub
