पर्थ, २५, मे २०१७
खेल र खेलाडीको स्तरोउन्नति साथै संस्थाको दिगोपनको लागि संस्था आफु नै सक्षम हुनु पर्ने भएकोले फण्ड कलेक्सन गर्ने हेतुले अस्ट्रेलियाको पर्थमा रहेको चर्चित फुटबल क्लब नेप्लिज युनाइटेड फुटबल क्लबले गाला डिनर आयोजना गर्न लागेको छ। नेप्लिज युनाइटेड फुटबल क्लबले प्रत्येक बर्ष फण्ड राइजिङ्ग डिनर कार्यक्रम गर्दै आइरहेको छ । सोहि क्रममा यस बर्षको फण्ड राइजिङ्ग डिनर यहि आउदो शनिवार अर्थात् २७ मे २०१७ को दिन साँझ ६ बजेबाट स्थानीय क्यानिङ्गटन लिजर प्लेक्स क्यानिङ्गटन मा हुने भएको छ ।
साँझ ५ बजे देखि स्वागतद्वार खोलिने जानकारी दिदै क्लबका अध्यक्ष श्री मणि राइले नमस्ते नेपालसंग भन्नु भयो कार्यक्रमलाइ थप मनोरन्जनात्मक बनाउन भिबिन्न गायक गायिकाको बेजोड प्रस्तुति समेत राखिएको छ । पर्थको स्थानीय ब्याण्ड सेंसिमिलिया साथै गायक उज्जल के सी ले आफ्नो प्रस्तुति दिने भएका छन् भने सुरक्षा लामिछाने, सकिना इतानी, सुनी योञ्जन तमाङ्ग, कृष्ण अनि एउटा सरप्राइज डान्सको साथ् साथै पर्थ को चर्चित डि जे लगाएत थुप्रै प्रस्तुति हरु रहेका छन् ।
फण्ड राइजिङ्ग डिनरको टिकट दर १४ बर्ष मुनिका नानु बाबुको लागि जम्मा २० डलर, बिद्यार्थीहरुको लागि जम्मा ३५ डलर छ भने अन्यका लागि ४० डलर तोकिएको छ । खेल, खेलाडी र आफ्नोपनको सम्मान र विकास गर्नु पर्छ भन्ने भावाना भएका व्यक्ति र संघ संस्था तथा स्पोन्सरहरुले सहयोग स्वरुप चेक हस्तान्तरण गर्ने कार्यक्रम समेत रहेको छ।खेलाडीहरुको मेहनतको कदर गर्दै गत बर्षदेखि खेलाडीहरुलाई ट्रफी प्रदान समेत गर्ने भएको छ। जसमा मोस्ट कमिटेड प्लेयर, कोच फेवरेट प्लेयर, मोस्ट भ्यालुयबल प्लेयर र बर्षको सर्वाधिक गोल गर्ने खेलाडी हुनेछन आयोजक नेप्लिज युनाइटेड फुटबल क्लबका सम्पुर्ण टिमले पर्थका समस्त नेपाली दाजु-भाई तथा दिदि बहिनीहरुलाइ कार्यक्रममा सहभागी भएर थप हौशला बढाई दिनु हुन् अनुरोध गरेका छन् ।
