पर्थ नेपाल क्रिकेट क्लब लिग प्रतियोगिता २०१७ हुदै

दिपक शर्मा, पर्थ

पर्थ – पश्चिम अस्ट्रेलियामा सामाजिक कार्यक्रमको साथ साथै विभिन्न खाले खेलकुदहरु व्यापक रुपमा भैरहेका छन् खेलकुद, खेलाडी र सामाजिक सद्दभावका लागि पर्थ नेपाल क्रिकेट क्लबले गत शनिवार स्थानिय बेकेन्ह्यमको मिल्स पार्कमा बारबिक्यु कार्यक्रम गरको थियो l  क्रिकेट खेलाडी, क्रिकेट प्रेमीका साथै पर्थका नेपालीहरुको उल्लेखनिय उपस्थिति रहेको सो कार्यक्रममा पर्थ नेपाल क्रिकेट क्लबले अर्को बर्ष पर्थमा पी. एन. सी. सी. क्रिकेट लिग प्रतियोगिता २०१७ गराउने घोषणा समेत गर्यो l

कार्यक्रममा बोल्दै आयोजक पर्थ नेपाल क्रिकेट क्लब क्याप्टेन संजय चौधरीले भन्नु भयो उक्त प्रतियोगितामा अस्ट्रेलियाका कुनै पनि नेपाली वा टोलीले भाग लिन पाउनेछन् l यो क्रिकेट खेलाडी, क्रिकेट प्रेमी र नेपाली समुदायको लागि खुशीको खबर पनि हो l

कार्यक्रमकै क्रमममा पर्थ नेपाल क्रिकेट क्लब सल्लाहकार आशिष अधिकारीले भन्नु भयो आजको यो कार्यक्रमको मुख्य उद्देश्य भनेको क्रिकेट खेलाडी, क्रिकेट प्रेमी र नेपालीहरु बिच आपसी सामाजिक सद्दभाव फैलाउनु हो l कार्यक्रममा आयोजक पर्थ -नेपाल क्रिकेट क्लबले सहयोगी हातहरु राज थपलिया, नबिन बिडारी, दिपक पराजुली, श्याम भण्डारी, सुरथ चापागाईं, अमित शाही, रबिन्द्र हेमन्त, वेष्ट्रन अस्ट्रेलिया क्रिकेट क्लब लगाएत सम्पुर्ण खेलाडीहरुलाइ आयोजकका तर्फबाट श्री न्यौपानेले धन्यवाद दिनु भएको थियो l

दिउसो ३ बजेदेखि शुरु भएको उक्त  कार्यक्रममा नावाका अध्यक्ष  श्री आङ दावा शेर्पा, उपाध्यक्ष डा. मणि पनेरु, नवाका निवर्तमान अध्यक्ष  श्री केदार रिजाल,  एन. आर .एन.ए. पश्चिम अस्ट्रेलियाका संयोजक  श्री राज थपलिया, सचिव श्री शैलेश मैनाली, पर्थ नेपाली मन्दिरका अध्यक्ष श्री यादव शर्मा, बिनिता शर्मा, काशीराज पाण्डे लगायत  विभिन्न संघ-संस्थाका पदाधिकारीहरुका साथै नेपालीहरुको बाक्लो उपस्थिति रहेको थियो l उक्त कार्यक्रम संचालन श्री आङ दावा शेर्पाले गर्नु भएको थियो l