पर्थ, ८ मार्च २०१८
नेप्लिज युनाइटेड फुटबल क्लबको नया कोचमा सोहि फुटबल क्लबका सहायक कोच प्रवेश थापा नियुक्त भएका छन् । पश्चिम अस्ट्रेलियाको चिरपरिचित फुटबल क्लब नेप्लिज युनाइटेड फुटबल क्लबका पुर्व कोच शुभाष श्रेष्ठ आफ्नो व्यसायिक कारणले क्लबमा निरन्तर दिन नसक्ने भएका छन् ।
तर क्लबलाइ गर्ने सहोगमा कुनै कमि हुन् नदिने प्रतिबद्धता समेत गरेका छन् । श्रेष्ठले २०१६ अनि २०१७मा क्लब र खेलाडीको स्तर निकै माथि पुराएका थिए साथै नेप्लिज युनाइटेड फुटबल क्लबले गत बर्ष मेलबर्नमा सम्पन्न भएको कंडेल कन्सल्टेन्सी कपमा उत्कृट खेल प्रदर्शन गर्नुको साथै चौथो स्थान सहित फेयर प्ले ट्रफी समेत हासिल गरेको थियो ।
प्रशिक्षक शुभाष श्रेष्ठ र उहाकी श्रीमती डेलले क्लबलाइ दुई बर्षदेखि निरन्तर सहयोग गर्दै आउनु भएको थियो । गत सात एउटा बिशेष बिदाइ कार्यक्रमको आयोजना गरि प्रशिक्षक शुभाष श्रेष्ठ र उहाकी श्रीमती डेललाइ क्लबका अध्यक्ष मणि राईले पुष्प गुच्छ सहित स-सम्मान बिदाई गर्नु भयो । क्लबका नव नियुक्त प्रशिक्षक प्रवेश थापाले भन्नु भयो मेरो काँधमा ठुलो जिम्मेवारी थपिएको छ मलाई क्लबले बिश्वास गरेर यो स्थान प्रदान गरेकोमा क्लबप्रति आभार प्रकट गर्दै क्लबले सुम्पेको जिम्मेवारीलाई पुर्ण पालन गर्ने बताउनु भयो । कार्यकममा क्लबका खेलाडीहरुका साथै पर्थवासी हरुको उपस्थिति रहेको थियो ।
