नमस्ते नेपाल अष्ट्रेलिया,
पर्थ-नेपाली एसोसिएसन अफ वेष्टर्न अष्ट्रेलिया (नावा)ले हरेक बर्ष जस्तै यो बर्ष पनि यहि अक्टोवर १५ तारिख शनिवार दशैं शुभकामना आदानप्रदान तथा टिका ग्रहण कार्यक्रमको आयोजना गर्ने भएको छ । यस अवसरमा नेपाली एसोसिएसन अफ वेष्टर्न अष्ट्रेलिया (नावा)को संयोजक्त्व एवं पशुपतिनाथ बौद्धनाथ मन्दिर समितीसंगको समन्वयमा दशैं शुभकामना आदानप्रदान, जलपान एवं टीका ग्रहण कार्यक्रमको आयोजना हुन लागिरहेको छ। उक्त कार्यक्रममा सहभागी हुनको लागी वेस्टर्न अष्ट्रेलियामा रहनु हुने सबै नेपाली दाजु-भाई तथा दिदिबहिनीहरुमा नाव एवं पशुपतिनाथ बौद्धनाथ मन्दिरले हार्दिक अनुरोध गरेको छ ।
साथै टीका ग्रहण, जलपान एवं शुभकामना पश्चात पर्थमा नेपाली मन्दिर निर्माण गर्नको लागी बिचार बिमर्श एवं समुदायको राय, सल्लाह सुझावको लागी अन्तरकृया कार्यक्रम पनि गरिने भएकोले, सो अन्तरकृया कार्यक्रममा सहभागी हुनको लागी हार्दिक अनुरोध गरेको छ ।
विदेशमा रहेर पनि नेपाली कला-संकृति,धर्म जोगाउन नावाले हर- सम्भब प्रयास गरेको छ । यहि अक्टोवर १५ तारिख शनिवार दिउसो ३ बजे देखि साँझ ७ बजे सम्म सम्पन्न हुने सो कार्यक्रम स्थानीय रिभरभेल कम्युनिटि सेन्टरको हलमा हुने जानकारी नावाका अध्यक्ष श्री आङ दावा शेर्पाले दिनुभयो ।
